2011-10-07
Dum semajno ĉirkaŭ pasko 2012 la asocio EsperantoLand denove ofertos la Esperanto-renkontiĝon PRINTEMPE; venos entute ĉ. 25 gastoj.
PRINTEMPE okazos dum venonta pasko en la renkontiĝejo "Marienburg", apud la vilaĝo Zell/Mosel - kun bela superrigardo al la rivero Mozelo; kiel kutime proksime de Belgio, Nederlando kaj Luksemburgio kaj ne tro for de Francio. La 
informilo kaj aliĝilo pretas por vi.
Superrigardo al Mozelo
PRINTEMPE komenciĝos proksimume en ĵaŭdo, 5-a de aprilo, kaj daŭros ĝis ĵaŭdo, 12-a de aprilo. Allogaĵo de la domo estas la bela superrigardo al la rivero Mozelo, kiu eblas ambaŭflanke de la domo.
Promenoj kaj ekskursoj
En la ĉirkaŭaĵo ni povos multe promeni kaj viziti diversajn mozelajn urbetojn, vulkanajn lagojn kaj varmbanejon.
Lastaj novaĵoj
Intertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. 
Sur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo.