2014-04-23

La dektria Novjara Renkontiĝo (NR) de EsperantoLand okazos de la 27-a de decembro 2014 ĝis la 3-a de januaro 2015 en Bitburg - iom norde de Treviro, proksime de Luksemburgio, Francio kaj Belgio. Ni atendas denove 150 ĝis 200 gastojn - inter ili kiel kutime sesdekon da infanoj kaj junuloj. Okazos apartaj programeroj por junuloj kaj junaj plenkreskuloj inter 14 kaj 35 jaroj (ĉefe 14 ĝis 25) sub la nomo "Novjara Internacia Semajno" (NIS).

6-a "Novjara Internacia Semajno" (NIS)

Pli kaj pli establiĝas la Novjara Internacia Semajno por la aĝgrupo inter 14 kaj 35 jaroj. Estis pasintfoje pli ol kvardeko da ili dum NIS, kiuj pasigis sian tempon kune kaj bele amuziĝis. Tiel plu evoluas la "Novjara Internacia Semajno" (NIS) ĉe la okcidenta limo de Germanio, proksime de Nederlando, Belgio, Luksemburgio kaj Francio.

Larĝa programoferto

Kutime kadre de NR kaj NIS estas plej diversaj programeroj: prelegoj kaj kursoj, ekskursoj kaj promenoj. Dum la vesperoj okazas interalie koncertoj kaj teatraĵo. Estas ankaŭ multaj eblecoj por persone konatiĝi inter la partoprenantoj - ekzemple en nia kafejo.

Lerni Esperanton kaj tuj apliki: Esperanto-studado

Ankaŭ ĉi-foje ni ofertas konversacian rondon kaj kursojn por komencantoj kaj progresantoj. Dum NR eblas eklerni Esperanton kaj tuj apliki ĝin neformale en internacia atmosfero. Kaj oni povas plibonigi sian Esperanto-scion en teorio kaj praktiko.

Kiu partoprenis?

En la reto oni povas vidi la nomojn de multaj pasintfojaj partoprenintoj en Saarbrücken.