Renkontighoj
11-a Novjara Renkontiĝo 2012/13

2012-02-24

La dekunua Novjara Renkontiĝo (NR) de EsperantoLand okazos de la 27-a de decembro 2012 ĝis la 3-a de januaro 2013 en Xanten - proksime de Nederlando kaj Belgio. Atendeble estos kiel kutime ĉ. 150 ĝis 200 gastoj - inter ili sesdeko da infanoj kaj junuloj.

4-a "Novjara Internacia Semajno" (NIS)

La programoferto por junuloj kaj junaj plenkreskuloj estos plu grandigita. Tiel evoluos la "Novjara Internacia Semajno" (NIS) ĉe la okcidenta limo de Germanio, proksime de Nederlando, Belgio, Luksemburgio kaj Francio.

Larĝa programoferto

Denove estos kadre de NR kaj NIS plej diversaj programeroj: prelegoj kaj kursoj, ekskursoj kaj promenoj. Dum la vesperoj okazos interalie koncertoj, teatraĵo kaj diskoteko. Certe estos ankaŭ multaj eblecoj por persone konatiĝi inter la partoprenantoj - ekzemple en nia kafejo.

Koncertoj

Venos koncerti por ni ĉi-foje JoMo, Tone kaj Patrik de la grupo Dolĉamar.

Lerni Esperanton kaj tuj apliki: Esperanto-studado

Ankaŭ ĉi-foje ni ofertos konversacian rondon kaj kursojn por komencantoj kaj progresantoj. Dum NR eblas eklerni Esperanton kaj tuj apliki ĝin neformale en internacia atmosfero. Kaj vi povas plibonigi vian Esperanto-scion en teorio kaj praktiko.

Pasintjare

En la pasinta deka Novjara Renkontiĝo kaj tria Novjara Internacia Semajno, ambaŭ en Bitburg, ĉeestis denove entute 178 partoprenantoj. Tri kvaronoj de ili venis el eksterlando, de Ottawa en Kanado ĝis Malio en Afriko, de Rusio ĝis Hispanio; el pluraj landoj venis po kelkaj, dudeko ĝis trideko el la najbaraj landoj Belgio, Nederlando kaj Francio. Entute denove partoprenis sesdeko da infanoj kaj junuloj inter kelkaj monatoj kaj dudek jaroj.

Fotoj kaj raporto de la pasinta NR


Jen estas videblaj fotoj de la pasinta kunveno.

Kiu venos, kiu partoprenis?

En la reto oni povas vidi la nomojn de multaj pasintfojaj partoprenintoj en Bitburg.

Lastaj novaĵoj   Renkontighoj
 

© EsperantoLand
 

13-a Novjara Renkontiĝo 2014/15 en Bitburg

La dektria Novjara Renkontiĝo (NR) de EsperantoLand okazos de la 27-a de decembro 2014 ĝis la 3-a de januaro 2015 en Bitburg - iom norde de Treviro, proksime de Luksemburgio, Francio kaj Belgio. Ni atendas denove 150 ĝis 200 gastojn - inter ili kiel kutime sesdeko da infanoj kaj junuloj. Okazos apartaj programeroj por junuloj kaj junaj plenkreskuloj inter 14 kaj 35 jaroj (ĉefe 14 ĝis 25) sub la nomo "Novjara Internacia Semajno" (NIS). plu

 

579 Esperanto-grupoj el la tuta mondo

Esperanto-novajhoIntertempe 579 lokaj Esperanto-grupoj troviĝas sur la grupaj mapoj de EsperantoLand. De Kordobo en Argentino ĝis la Amikeca Klubo de Hararo en Zimbabvo Esperanto-parolantoj en trideko da landoj ĝojas pri vizitantoj el eksterlando. plu

 

Renkontiĝoj kaj aranĝoj sur mapoj

Esperanto-novajhoSur la tutmondaj mapoj de EsperantoLand eblas trovi kaj enmeti informojn pri renkontiĝoj kaj aranĝoj en la tuta mondo. plu