"Venu ĝui la printempon!"

Venu al PRINTEMPE kaj ĝuu internacian etoson!

Ni plezure invitas vin veni al PRINTEMPE. Multaj el la interesitoj estas eksterlandanoj, kio promesas, ke ni denove povos ĝui internacian etoson en tiu EsperantoLand-renkontiĝo. Ni provos oferti al vi interesan programon laŭ viaj deziroj.

Datoj 2026

La paska dimanĉo en 2026 estos la 5-a de aprilo. PRINTEMPE 2026 okazos ekde ĵaŭdo, 2-a, vespere, ĝis ĵaŭdo, 9-a de aprilo, antaŭtagmeze. Kiam vi ŝatos partopreni en la renkontiĝo?

Printempe Renkontiĝejo Kotizoj Kondiĉoj Aliĝilo/informpetilo

Nia programo en- kaj eksterdome

Ni havos konversacian rondon kaj prelegojn, faros promenojn kaj ekskursojn al najbaraj vilaĝoj kaj urboj, ni eble ludos kaj certe babilos kafumante aŭ teumante en la ĝardeno aŭ endome. La prelegoj kaj aliaj ofertoj de partoprenantoj iom klerigos nin. Kaj eble vi havos plian ideon kiel pliriĉigi la programon.

Printempe Programo Kotizoj Kondiĉoj Aliĝilo/informpetilo

Ĉu vi ŝatos partopreni?

Venu ĝui la restadon tie en internacia rondo!

Sube pretas la kotiztabelo kaj la aliĝilo por PRINTEMPE 2026.

Ĉion bonan al vi

Lu Wunsch-Rolshoven
EsperantoLand

Kontakto

lu.esperantolandgmx.de

Poŝtelefono +49-173-162 90 63
  (en Germanio 0173-162 90 63)

Eble vi ne volas tuj aliĝi, sed ŝatus havi aldonajn informojn. Ni volonte respondos al viaj demandoj. Kaj kompreneble ni ĝojos, se vi informos viajn amikojn kaj konatojn aŭ viajn klubanojn.

Printempe Programo Renkontiĝejo Nura programpartopreno Kondiĉoj Aliĝilo/informpetilo

Kotizoj 2026 (ne jam tute aktualaj, sed proksimumaj)

La kotizoj de postaj periodoj (post la aktuala) eventuale ŝanĝiĝos.
Ĉiuj kotizoj en eŭroj (EUR)

Plena kotizo

La baza plena kotizo por unu persono por sep tagoj estas:

Aliĝo ĝis	26-a de januaro	23-a de februaro	16-a de marto	poste
ĝis 2 jaroj	0
3 ĝis 11	195
12 ĝis 17	340
18 ĝis 26	390	400	410	420
ekde 27 jaroj	520	530	540	550

(Aĝo je la komenco de la renkontiĝo)

Ĉiuj ĉambroj havas propran duŝon kaj necesejon.

Tiu ĉi kotizo validas por tranoktado en dupersona ĉambro (por po unu partoprenanto ekde 27 jaroj) aŭ en tri-/kvar-/kvin-/sespersona familia/junula/infana ĉambro (por po unu partoprenanto ĝis 26 jaroj kaj por familianoj), kun propraj duŝo kaj necesejo.

Kutime en infanĉambroj laŭ la deziro de la familioj kune loĝas infanoj el pluraj familioj por subteni i. a. la lingvan evoluon. Kaj kompreneble la amuziĝon :-)

La kotizo inkluzivas la manĝojn kaj la tranoktadon (inkl. de litotolaĵo kaj mantukoj) kaj la programon (sen la ekskursoj).

Aldono por unupersona ĉambro (kompare kun dupersona ĉambro laŭ la supra tabelo): 210 eŭroj por 7 tagoj (30 eŭroj tage). Por partoprenantoj ĝis 26 jaroj aldoniĝas krome 70 eŭroj por 7 tagoj (10 eŭroj tage) kompare kun la supra tabelo.

Aldono por dupersona ĉambro (kun propraj duŝo kaj necesejo; pagenda nur de junuloj ĝis 26 jaroj): 70 eŭroj por 7 tagoj (10 eŭroj tage).

Rabato por tri-/kvar-/kvin-/sespersona ĉambro (por unuopuloj ekde 27 jaroj en plurpersona ĉambro, ne por familiaj/junulaj/infanaj ĉambroj): 105 eŭroj (15 eŭroj tage).

Disdono de la ĉambroj laŭ disponeblo.

Rabato por eksterlande loĝantaj partoprenantoj (Okcidenta Eŭropo): 14 eŭroj (2 eŭroj tage).
Rabato por partoprenantoj loĝantaj ekstereŭrope kaj orienteŭrope (Estonio, Latvio, Litovio, Pollando, Ĉeĥio, Slovakio, Hungario, Serbio, Kroatio kaj cetera eksa Jugoslavio, Albanio, Rumanio, Bulgario, Ukrainio, Belorusio, Rusio): 42 eŭroj (6 eŭroj tage).

Partatempa partopreno

La kotizo estas 16 % de la kompleta kotizo (por sep tagoj) por la unua tagnokto, 14 % por ĉiu plia. Tio inkluzivas sume tri manĝojn en la tagoj de alveno kaj foriro.

Printempe Programo Renkontiĝejo Kotizoj por plenpagantoj Kondiĉoj Aliĝilo/informpetilo

Nura programpartopreno

La partopreno (sen la manĝoj) estas senkosta por homoj el la regiono (ĝis 50 km de la renkontiĝejo) kaj por junuloj sub 18 jaroj; bv. aliĝi prefere baldaŭ.

Por aliaj homoj la baza kotizo por unu programtago por plenkreskulo sen manĝoj kaj sen tranoktado estas 15 eŭroj. Tiu kotizo ne validas, se vi volas nur mallonge viziti la kunvenon; bv. taksi mem laŭ via bontrovo.

Kutimaj manĝoj tagmeze kaj vespere kostas po 10 eŭrojn; la matenmanĝoj po 8 eŭrojn.

Printempe Programo Renkontiĝejo Kotizoj Nura programpartopreno Aliĝilo/informpetilo

Ĝeneralaj informoj

Antaŭpago: Por ĉiu plenpaganto 50 eŭroj, por ĉiu partoprenanto nur de la programo 20 eŭroj; la plena kotizo, se ĝi estas malpli granda.

Kotizpago: Bv. pagi la reston de la kotizo ĝis la komenco de la renkontiĝo. Tiel vi helpos al nia financa administrado.

Partatempa partopreno: Ni ĝojas, se vi ŝatos viziti nin dum kelkaj tagoj.

Aliĝdato: Ni kalkulas la aliĝdaton laŭ la retpoŝta, telefona aŭ telekopia aliĝo; bv. forsendi la antaŭpagon baldaŭ poste por certigi la aliĝon. La aliĝo validas post la alveno de la antaŭpago kaj post nia persona konfirmo (ne sufiĉas la kontrola sendado de viaj datumoj).

Malaliĝo ĝis la 3-a de marto: Repago de via kompleta aliĝkotizo sen subtraho. Poste/neanoncita nealveno: Neniu repago de la aliĝkotizo; necesos pagi eventuale kostojn de la domo.
Ni vin tre petas informi nin pri eventuala neveno por eviti senutilajn elspezojn.
Transdono al alia persono (skribe aŭ retpoŝte!): Neniu subtraho; pagendas laŭ la nova aĝokategorio, sed minimume simila sumo kiel la unua aliĝinto.

Kontoj: 
N-ro 2596 58 301, EsperantoLand e. V., ĉe "Postbank Hannover" (germana banka kodo 250 100 30; internacia kontonumero - IBAN: DE07 2501 0030 0259 6583 01, internacia banka kodo - BIC: PBNK DE FF; kutime necesas forigi la spacojn en la kodoj), indiku "PRINTEMPE".

Konto eold-g, EsperantoLand, ĉe Flandra Esperanto-Ligo (FEL; kontoj de FEL kaj pagmanieroj; indiku "por eold-g, EsperantoLand, PRINTEMPE").

Konto eold-g, EsperantoLand, ĉe Universala Esperanto-Asocio (UEA; kontoj de UEA kaj pagmanieroj; indiku "por eold-g, EsperantoLand, PRINTEMPE").

Eblas antaŭpagi ankaŭ per sendado de eŭro-monbiletoj aŭ de ĉeko (je la risko de la sendanto) al Lu Wunsch-Rolshoven, EsperantoLand e. V., Wiclefstr. 9, 10551 Berlin, Germanio. Ni kutime traktos ĉekon kiel garantiaĵon - ni do redonos ĝin dum la renkontiĝo kaj petos la kompletan pagon (por eviti bankokostojn; eksterlandaj ĉekoj kutime kreas altajn bankokostojn, ĉ. 15 EUR).

La ekskursoj estos aparte pagendaj (sed kutime estas neniuj kostoj aŭ nur kelkaj eŭroj por enirbileto). La litotolaĵoj estas inkluzivitaj (sed ne la mantukoj).

Rabatojn ni donos al programkontribuantoj kaj helpantoj laŭ interkonsento.

Rabato por eksterlande loĝantaj partoprenantoj (Okcidenta Eŭropo): 10 eŭroj por 5 tranoktoj (2 eŭroj por ĉiu nokto). Rabato por partoprenantoj loĝantaj ekstereŭrope kaj orienteŭrope (Estonio, Latvio, Litovio, Pollando, Ĉeĥio, Slovakio, Hungario, Serbio, Kroatio kaj cetera eksa Jugoslavio, Albanio, Rumanio, Bulgario, Ukrainio, Belorusio, Rusio): 30 eŭroj (6 eŭroj tage).

Printempe Programo Renkontiĝejo Kotizoj Nura programpartopreno Kondiĉoj

Aliĝilo/informpetilo

Bonvolu plenigi la ĉi-sekvan formularon. Se vi sube enmetas vian retpoŝtan adreson, tiam aŭtomate sendiĝos konfirmo de viaj enmetitaj datumoj. Eble tamen tio ne alvenos ĉe vi, ĉar via retservisto konsideros ĝin spamo; esperinde ni sukcesos solvi tiun problemon. La konfirmo de viaj datumoj ne jam estas la konfirmo de via aliĝo, kiu sekvos iom poste. La tuto estas iom longa, multaj demandoj ... Se nun estas tro por vi, pro manko de tempo aŭ emo, volonte nur plenigu la bazajn informojn (nomoj, dato ks.) kaj pri la resto informu nin poste.
Mi/ni aliĝas kun tranoktado, manĝoj kaj programo. Mi/ni partoprenos nur la programon (kaj eble kelkajn manĝojn). Mi/ni NE aliĝas nun, sed unue petas pliajn informojn. (Bv. enmeti viajn demandojn sube ĉe "Rimarkoj/demandoj")
Partopreno de ĝis (plentempe: 04-02/04-09)
Tranoktado
Ĉiuj ĉambroj havas proprajn duŝon kaj necesejon.
Mi ŝatus loĝi en unupersona ĉambro. Mi/ni ŝatus loĝi en dupersona ĉambro. Mi/ni ŝatus loĝi en tri- ĝis seppersona ĉambro, sen aliaj homoj (familia ĉambro). Mi/ni ŝatus loĝi en tri- ĝis seppersona ĉambro, kun aliaj homoj. Ni ŝatus loĝi en diversaj ĉambroj (ekz. gepatroj kaj infanoj). Mi/ni loĝos aliloke.
Mi/ni ŝatus loĝi sola(j) en la ĉambro. Mi/ni akceptas loĝi kun alia(j) de la sama sekso. Mi/ni akceptas loĝi kun alia(j)de alia sekso. Mi/ni volas/pretas loĝi dise aŭ kun la indikita(j) persono(j); vidu sube. La demando pri ĉambro-kunuloj ne koncernas ĉi tiun aliĝon (loĝado aliloke).
Pri lifto kaj ŝtuparoj La domo intertempe havas liftojn en ambaŭ domoj. La antaŭa demando pri ŝtuparoj do forfalis :)
Loĝado en hotelo aŭ NR-ejo mem Por povi akcepti ĉiujn partoprenemulojn, kelkfoje necesas loĝigi kelkajn homojn en apuda hotelo (distanco proks. 1,8 km). Kutime tiam ni tie loĝigas ĉefe solulojn kaj parojn, unue partatempajn partoprenantojn, sed ne familiojn kun infanoj. Bv. informi pri via prefero rilate la loĝadon: Mi/ni preferas loĝi en hotelo. Por mi/ni estas en ordo loĝi en hotelo. Mi/ni petas loĝi en la NR-ejo mem.
Pliaj rimarkoj pri la ĉambro kaj duetaĝaj litoj... (Ekz. "en sama ĉambro kiel ...", "apud la ĉambro de ...", "mi ronkas", "prefere trankvila", "iom da bruo ne ĝenas min", "mi petas normalan liton, ne duetaĝan", "mi pretas uzi duetaĝan liton" aŭ ekz. "gepatroj en dupersona ĉambro, junuloj en junula ĉambro kun aliaj junuloj" (neniu kotizodiferenco; volonte indiku, kun kiuj junuloj). Pro la partopreno de multaj infanoj kaj junuloj absoluta trankvileco malfacile eblos; ni provos rezervi koridorojn laŭ la trankvileco.)
Manĝo
Ŝatus manĝi vegane	(nombro da personoj)
Ŝatus manĝi vegetare	(nombro da personoj)
Kelkfoje vegetare/kelkfoje ne	(nombro da personoj)
Ĉiam nevegetare	(nombro da personoj)
Specialaj manĝodeziroj
Se vi havas specialan deziron pri la manĝoj (ekz. sen gluteno, sen laktaĵoj...), tiam bv. informi pri tio sube ĉe "Rimarkoj/demandoj"; en la domo kutime necesos aparte peti pri via manĝo ĉe servisto.
Personaj datumoj
En la papera kaj reta programbroŝuroj publikiĝos - se vi ne petas ion alian - nomoj, urbo kaj lando; ĉe infanoj ĝis 16 jaroj la naskiĝjaro. Profesio kaj interesoj servas al la organizantoj por pli bone kunmeti la programon, sed ne publikiĝas. Bv. nepre enmeti la informojn markitajn par steleto '*'.
Persona nomo* (1)
Familia nomo*
Profesio; interesoj
Retpoŝta adreso por korespondado
Bonvolu indiki retpoŝtan adreson por faciligi la kontakton! Plurajn retadresojn disigu per komo, ',' .
Naskiĝdato (bv.: jjjj-mm-tt)
	vira ina alia
Persona nomo* (2)
Familia nomo*
Retpoŝta adreso
Naskiĝdato (jjjj-mm-tt)
	vira ina alia
Persona nomo* (3)
Familia nomo*
Retpoŝta adreso
Naskiĝdato (jjjj-mm-tt)
	vira ina alia
Persona nomo* (4)
Familia nomo*
Retpoŝta adreso
Naskiĝdato (jjjj-mm-tt)
	vira ina alia
Persona nomo* (5)
Familia nomo*
Retpoŝta adreso
Naskiĝdato (jjjj-mm-tt)
	vira ina alia
Partopreno en Esperanto-kurso Bv. indiki, kiu eventuale volas partopreni en kia kurso (komencantoj/progresantoj/konversacio); eble informu pri la lingva nivelo. Bv. noti, ke kutime por infanoj ni ne ofertas apartajn lingvo-kursojn; ili ricevas lingvan subtenon de la diversaj kursgvidantoj.
Strato, n-ro*
Poŝtkodo*
Urbo*
Regiono/provinco (eble)
Lando*
Telefono(j) (internacie)   (ekz.   +49-30-685 58 31)
Poŝtelefono   (ekz.   +49-173-162 90 63)
Mi/ni alvenos per trajno. Mi/ni alvenos per buso. Mi/ni alvenos per aŭto. Mi/ni alvenos per aviadilo.
Mi/ni antaŭpagas por ĉiu plenpaganto 50 eŭrojn (kaj por ĉiu nura programpartoprenanto sen loĝado 20 eŭrojn) al la sekva konto (ĉe mallonga partopreno necesas pagi nur la kotizon); la reston mi/ni pagos ĝis la komenco de la renkontiĝo.
Konto-n-ro IBAN: DE07 2501 0030 0259 6583 01, internacia banka kodo - BIC: PBNK DE FF, ''EsperantoLand eingetragener Verein'' ĉe "Postbank Hannover" eold-g, EsperantoLand, ĉe Flandra Esperanto-Ligo (FEL) eold-g, EsperantoLand, ĉe Universala Esperanto-Asocio (UEA) Bonvolu indiki "PRINTEMPE".
Papera programbroŝuro
(Ni volas eviti la presadon de tro da broŝuroj; tial bv. informi sekve.)
Por nia familio/grupo ni ŝatus havi proksimume    papera(j)n programbroŝuro(j)n; enmetu laŭ via deziro.
(Disponeblos elektronika versio por via poŝtelefono kaj la programo plu estos afiŝata.)
Eventuala programkontribuo
Mi ŝatus kontribui al la programo per ... (ekz. prelego, kurso, infana programo, muzikaĵo, teatraĵ(et)o, promen- aŭ ekskursgvidado, kafeja servo aŭ io alia). Bv. eble indiki, se vi jam scias: Daŭro de la programero, ofteco, preferata tempo, bezonataj iloj, kelklinia priskribo. Grandan antaŭdankon!
Rimarkoj/demandoj
kaj (ret)adresoj de homoj, kiujn ni invitu al la renkontiĝo
Kiel vi eksciis pri la renkontiĝo?
(Ekzemple per la retlisto "...", en la retpaĝo "...", el kalendaro de Esperanto-renkontiĝoj en "...", en la renkontiĝo "...", per amikoj/konatoj, per alia vojo, nome ...)
Mi/ni permesas, ke la enmetitaj datumoj estas enmemorigataj en komputilo.
Mi/ni konsentas, ke fotoj kaj filmoj registrataj dum la renkontiĝo, kie mi/ni videblas, estos publikigataj en la retpaĝaro de EsperantoLand au en aliaj retpaĝaroj au publikaĵoj.
Informante pri la renkontiĝo vi rajtas mencii min/nin kiel partoprenonto(j)n sur la paĝo "Kiu jam aliĝis?".
Bv. enmeti la vorton ZamXenhof sen X (por eviti sendadon de aŭtomate produktataj mesaĝoj)

Printempe Programo Renkontiĝejo Kotizoj Nura programpartopreno Kondiĉoj Aliĝilo/informpetilo

EsperantoLand e. V.
Louis Ferd. v. Wunsch-Rolshoven
Wiclefstr. 9, 2. Gartenhaus
10551 Berlin
Germanio
Kontakto

Telefono:	+49-30-6 85 58 31,	en Germanio: 030-685 58 31
Poŝtelefono:	+49-173-162 90 63,	en Germanio: 0173-162 90 63

al la ĉefpaĝo (en Esperanto)

supren