2003-03-26

Esperantlingva konstruplano por sunenergia kuirilo el simplaj konstrumaterialoj troviĝas ekde mallonge sur la bavaraj informpaĝoj pri Esperanto. Sur dufoje ok paĝoj oni klarigas detale kiel kunmeti la sunkuirilon el ligno aŭ metalo. La ilo speciale taŭgas por sudaj landoj kun malmulta brulmaterialo - aŭ por konstruado kun junuloj.

Sunenergia kuirilo en Bolivio

Sur la paĝoj de la iniciato Bolivia Inti oni informas en Esperanto pri la laboro de tiu ĉi organizo, kiu en Bolivio konstruas sunenergiajn kuirilojn kune kun la loka loĝantaro kaj instruas ties uzadon. Ni raportis je 2002-05-06:

La interretaj paĝoj de la iniciato "Bolivia Inti", kiu engaĝiĝas por la uzado de sunenergio por la kuirado, rigardeblas en Esperanto. "Bolivia Inti" instruas al bolivianoj la konstruadon kaj utiligadon de sunenergiaj kuiriloj kaj akompanas la pluan spertiĝon kun tiu nova maniero de kuirado dum la venonta duonjaro.

Tempoŝparado kaj mediprotektado

La uzado de sunenergiaj kuiriloj rilate al la tradicia kuirado per ligno ĉefe tial estas pli saĝa, ĉar ne necesas tempo por la ligno-kolektado kaj oni ne damaĝas al la medio. La iniciaton subtenas interalie la franca ambasadejo en Bolivio, la urbo kaj la universitato de la franca urbo Nantes kaj kelkaj komunumoj kaj asocioj en la francaj departamentoj Loire-et-Cher kaj Loire-Atlantique.

[esper-inform, ret-info]